香港行程的第二日
今日我地去左赤柱行下，本來知道嗰度有德國小鎮，所以想行去睇下，有咩野睇。
原本想去德國小鎮，點知去到發現有手作市集，當然唔好錯過去睇下啦，都好多攤檔，比澳門手作市集都好多，同熱鬧好多，好多人會入場去睇，澳門就好似冇咁多人，而我地發現左一個好特別的玩意，就係做徽章。
我地諗到既係我地可以買返一個，照板煮碗咁收錢，係塔石藝墟擺檔，試下做生意。呢個都可以諗下，不過我怕政府唔知批唔批同咩改機構好？
行下行下，見到一個攤檔，幫人畫花臉，五十元一個，都可玩下，佢地又願意比人畫，個女仔畫得好快，三兩下手就畫好，佢地畫完好開心，又易清洗，一整天都掛著呢張臉周圍去，人人都望佢地，好搞笑。
去完手作市集，就去德國小鎮行下，原來都係食德國腸仔加啤酒，我地都唔係好喜好食腸仔同飲啤酒，而且條隊又排長籠，所以我地都冇特別去試，剩係同佢地畫左個花臉，我周圍望左一下，室外都有好多手作市集，不過都冇咩特別，所以我冇特別買野，跟住就食個晏，行下舊市集，買左幾件衫比妹豬，就走啦。呢個妹豬真係好貪靚，自己選衫買。
跟住我地就直接出尖沙咀睇燈飾，出發前我有點情緒不穩，覺得山長水遠出去剩係睇燈飾，好無聊又冇咩特別，所以心情有點不濟，求其影幾張相，睇下燈飾，去玩具反斗城買個玩具，食個晚飯，就回程返酒店。又十二點鐘先訓啦！
沒有留言:
發佈留言