12月19日～學校聖誕派對&海洋公園

好久前已經安排了今天去海洋公園,但由於今天上午要返學,所以只可以下午才去.本想不如請假, 但我又覺得學校舉行的聖誕派對,又可以和同學們一起慶祝,是一個難忘的聖誕,而且細佬又被安排作小天使,由於不想阻礙他在學校的生活,所以沒有安排請假,這樣行程就會更加之趕啦!

就快到十二點,準備去接放學啦,拖埋行李,到學校接佢地放學.就直接出去碼頭啦,食完午飯,上船去香港.一到步香港,就上酒店放低行李,出發去海洋公園啦.

4:30入場,玩下遊樂設施先。

細佬最鐘意玩射水，每次黎都要玩。

呢個機動遊戲玩過兩次，都冇驚驚，真厲害。勁👍

旋轉木馬更加唔洗講，冇又怕，每次黎到都玩，玩得好開心，仲會自己選馬仔。💕

然後睇匯豐銀行特備節目，全場匯豐員工、其親戚朋友等等，很熱鬧，有員工唱聖誕歌，高層派禮物，玩遊戲。然後睇海豚表演，很是精彩。

由於遲入場，所以唔係睇到好多野同玩到好多野，下次有匯豐優惠，都係睇清楚日曆，洗唔洗返學，有冇節目先，免得遲去，什麼都冇得玩同睇，今次有海洋公園新節目，溜冰節目都冇去睇，覺得有點浪費了門票，剩係玩機動遊戲同影相，什麼都沒去睇，真心覺得浪費，真係要好好提醒自己下次去要睇清楚時間夾唔夾先，免得什麼都睇唔到。

行下玩下食下影下，好快就到十點啦，玩埋最後一個節目，海洋公園特備手作節目，整萬花筒，就走人啦！

返酒店休息，沖好曬涼，都12點啦！

訓啦！

就這樣一天了。

其實這天既心情都唔係很好，突然唔想過香港，好想靜靜的休假，過休閒的假期，一過香港就會呢到去個度去，比平時更累，但其實做人父母都預左放假都唔會係真正自己的假期，想訓到幾晏就幾晏，係唔可以既事，要看小朋友情況，佢地起身我就要起身架啦，都冇咩自由空間時間，想休閒過聖誕假期，都難啦！