澳門科學館半天遊

澳門科學館確實係小朋友的好去處，入館前有麥當勞，雪糕，小食部；

仲有一個小小的遊樂場，入館前又可以玩一玩先，真不錯。

跟住入館玩，其實館入面有好多野都啱小朋友玩，文字理論的很少，活動科學的特別多，

踓然小朋友未必真正明白箇中道理，但至少有得玩，有些少印象。

記得去過香港科學館，同澳門比較，香港就冇咁好玩啦。

香港的理論就比較多，睇多過玩，活動性較少，較沉悶。

澳門的活動較多，較好玩。如果澳門科學館值100 分，香港50分，即好過冇咁啦。

第一時間都飽個肚先，跟住先去玩。

其實我地都唔知黎過幾多次澳門科學館，又唔知點解佢地又好鐘意黎，應該係好多野玩啦。

次次黎親都會優先玩呢個遊樂場先，有滑梯，有屋仔，佢地又玩得好開心。

呢度有冷氣，又唔怕熱，要求要除鞋先可以去，又衛生，好多設施都有軟墊包住，又安全，

佢地玩得開心又放心，真係一個好去處。

入到科學館內，我地通常會去最頂個層玩返落黎，我諗佢地最鐘意玩水同搬磚個層，每次玩好耐都唔走，水個層有好多波，小朋友就鐘意攞住啲波玩水，射黎射去，呢個係最容易玩到濕身。😏

其次就係搬磚，砌磚，運磚，倒磚，佢地次次去都玩得好雀躍。

最近又鐘意玩運波波。

澳門科學館不失為一個親子活動的好去處。

科學館六點鐘休館，我地玩到人地收工，跟住去食晚飯，

上次已經試過漁人碼的泰國餐館，今次我赽又去返同一達地方。

妹豬仲記得個次我地坐室外食好凍，哈，咁好記性既。

今次我地又係坐室外，不過今次唔同啦，唔係凍呀，而係好熱呀，

熱到妹豬成頭濕曬，細佬訓著都熱到成頭濕曬。

今次食蝦餅，醃粉絲，黃咖喱雞。

醃粉絲較勁，要一路食一路飲野，沖沖個嘴。

黃咖喱雞唔係好勁，送飯一流。

個蝦餅同出面食都差不多，冇咩特別。

飲料方面都幾好飲，我地叫左冇酒精類，

我個杯叫夏威夷日落，個名幾好聽。飲落係橙汁味。

Fred個杯就唔記得叫咩名啦。

係個環境食野，好有外國feel，係室外食，聽到直升機聲，船聲，

一路食一路有呢啲聲音伴隨，都幾舒服。

你睇下呢張相，好似去左外國咁。

景觀一流啊！