放低小孩大步走-東京初體驗2

22-12-2013

一朝早起床,比返學還要早,因為我地要早點食完早餐,向富士山出發-----滑雪.

日式的早餐真係好豐富,食到好飽.

到左滑雪場

好多人呀,仲有好多人扮聖誔老人

 說真的,我係第一次黎滑雪場架咋,所以我係第一次接觸滑雪用具,同第一次試下玩滑雪,結果更係唔惦啦,都平衡唔到,一企係身就跌,跟本連行都唔得,點滑,平時唔做運動的人係咁架啦,不過試過先知唔容易,著到個對雪鞋已經唔容易,唯有係到處一遊,著黎影相留念算啦.

雪山都唔係十分之好凍,因為有陽光曬住,都感覺到暖意.
導遊仲叫我地搽防曬TIM.

日本的汽水機有熱飲買架,多數係熱咖啡,我幾鐘意,因為咁凍可以有野暖下MA.啲團友仲買雪糕食,我就不敢恭維啦,我鍚身架.

跟住就去SHOPPING啦,呢條街啱我行,因為物品唔係名牌字,我不嬲都唔用名牌,而且物品多樣化,衫褲鞋,袋,生活百貨,食既野都有,個度仲有DISCO,同澳門的差不多.所以都冇咩特別.

個度就好似香港女人街咁,超多人,日本本地人特別多,年輕人比較多,所以買既都較年輕,由於太多人,我都冇咩點行,都唔係好睇到,同睇啱野,有點遺憾.好想再去多次.

不過都執到個袋,幾靚架.

 

下一個站DIVER CITY,行商場,都係睇多過買.

不過值得介紹既係下面呢個食物,非常好食,好味.

新鮮炸的,有好多味道可供選擇,我地選朱古力味,好脆好味,有機會去東京的可以一試.

跟住就係欣賞日本景點之一:一比一高達.

 晚飯:吉列豬扒飯.呢間聽導遊說都好出名,好多人會黎食,所以較串,即使BOOK左位,都係要等架,毎晚我地都等左有一個鐘.日本人係好樂意等,佢地唔會因為等得耐而燥,唔會投訴,唔會出聲,耐心等候,如果好似我地,已經出聲左好耐LO.日本人覺得等一間好味的店舖食野係榮幸黎架.呢種情操我地就冇啦,所以我係好欣賞佢地呢種情操架,係一種美的情操.