一來去會覺得唔盡興,因為同FRED去,買野又唔敢買;
二來又負面主義發作,怕會飛機失事,怕返唔到香港,見唔到兩隻B,佢地從此沒有父母.(真係想得太多了)
但仍會有所期待的.(少少啦)
12月20日清晨就起床，靜雞雞出發啦，兩個小朋友仲訓緊覺，咁樣就唔洗走的時候生離死別咁啦。
去到機場搞惦曬之後就等上機啦，10：30就上機啦，向日本進發！
經過3個多小時的機程，終於到達日本，落機出閘都已經下午4點多啦，行程都冇咩架啦，都係行下商場，跟住返酒店，
放低行李後，由於旅行社冇包第一晚的飯，所以要自己搵食啦，都搵左好耐，先搵到一間拉面店可以入去。要明白到出外真的要靠朋友，尤其是出到外地，語言不通的地方，就好似日本，連搵食都好困難，問間間，間間都no seats.除左呢句聽得懂之外，冇一句你會聽懂，日文嗎。更係聽唔懂啦，好彩都搵到一間有位，唔洗食麥當勞呀，黎日本食麥當勞，好搞笑啫。有團友真係搵唔到，食麥記算。哈。
第二日(21.12.2013)
正式出遊,好早就要起身,塔長途車,去到和平公園.
遠眺富士山.
但其實出太陽又唔係真係好凍,冇想像的咁凍,不過最好帶手套和頸巾會暖一點.有太陽唔戴都可以,沒有太陽就會冷一點,特別係夜晚,戴返會好點.
不過就冇落雪,地下全舖滿雪,但真係天上落的就見唔到啦,除左初到達日本機場的那一天落了點雨水外,其他日子都陽光普照,天公造美,不過我想見天上飄落的雪花喎,導遊話最好唔好落雪,一暴風雪就會咩地方都去唔到,係半路上更麻煩,可能個旅程大半會係車上度過.
日式浴衣,好唔好看呀?
第一晚入住和式酒店,訓塔塔米房,好舒服.
有得浸温泉,由於我M黎,冇得浸,浪費曬.
分男湯同女湯,先除浴衣,沖洗,光豬豬咁入去浸,男同男都全相睇曬架,女同女都全相睇曬架,唔慣會有點不好意思啊!
沒有留言:
發佈留言