情緒與返學

部落格專用相簿


妹豬返學都返左三個多星期啦,自上星期開始已經冇喊啦,仲同我bye,呢個女真係好叻

情緒,我指既情緒唔係妹豬返學既情緒,因為妹豬返學既情緒已經穩定左,唔喊lu.

我指既情緒係佢媽媽(即係我的情緒),自從有左細佬之後,我都撐起來,陀一個,湊一個,我都冇咩怨言,倩緒波動都冇而家咁大,之後請左amy幫手,情況好左,妹豬肯食野,我都覺得很開心,終於有人幫到我餵佢食野,錢都冇白白浪費,但屋企經濟不好,財政出現問題,為左慳錢,唔請amy,一個人獨力撐起,但結果,我撐唔起啦,我投降,最後讓豬早一點返學,讓我能輕鬆一點.我明白呢段返學時間很辛苦,早起,拖一個揹一個上去接放學,你估咁樣係好舒服架咩.

尋晚我同你爸爸講,我知道你爸爸財政出現赤字.生活費難當,一直佢都希望我可以搞惦屋企,唔洗佢負擔咁重.所以既情緒都源自於你爸爸,我真係唔知要點樣同佢溝通,係,我係搞唔惦,我已經係之前同你爸講我投降啦,,所以我先至放你咁早返學,我原意係冇諗住你咁早就返學,所有野都係因為我頂唔住,咁點解你爸爸永遠好似唔明白我咁,我已經講左我唔得,我投降,點解你爸爸仲要問我係唔係唔得,大佬,我表達左啦,why仲要問,你爸爸係咪覺得我最好就可以撐起你地,最好就搵埋錢,養起頭家,你爸爸究竟係咪想我咁樣呀,咁不如咩都我做曬,你係屋企,我出去搵錢,你係咪想我咁樣呀,我知道你養唔起呢個家,咁你就唔好做d冇把握既野,輸錢然後要負起一筆債,負起一筆債,唔係你一個人架,係我地三個人陪你輸錢,陪你陷入困局,唔係你一個人事呀,我真係湊到好累呀,我累到真係唔想郁啦,我好氣餒好挫敗,你又知唔知,既然你養唔起一頭家,當初就唔好結婚,我真係唔知點樣再面對你爸爸.