細佬的生理時鐘

細佬七個幾月大,爬多左,企多左,以前剩係識得係個聽度爬,最近佢認知多左,探索心多左,知道屋企仲有其他地方可以去發掘,於是爬既範圍大左,前幾日進展到爬入書房,好幾次都衝入書房,今天進展到爬入雜物房,又發掘到一個新天地,証明佢又大個仔左啦.

細佬每天七點左右就會起身,叫叫叫,跟住七點半就會食奶,然後送姐姐返學,返完學之後,陪媽媽買早餐,返到屋企差不多9點啦,爬一陣,有時要食多少少奶,有時飯水都得,要視乎細佬當時既情況,食完過後就會訓覺啦,訓到大約11點半,就會起身,換片,如果姐姐早放學,就要一齊去接姐姐,接完姐姐返到屋企都差不多一點半啦,同姐姐食奶奶訓覺;如果姐姐晚一點先放學,就會12點食少少粥,1點再食奶訓覺,訓到四點,起床,又試食少少粥,抖一陣,5點多去沖涼,沖完涼食支奶我又訓啦,6點鐘細佬已經覺豬豬左啦.