12月24日～回澳啦

香港行程第六日 

返～澳～門～啦～

玩左咁多日，終於返澳門啦～

呢一日朝早照樣晚起身，成晚訓下醒下就係怕細佬賴尿，點知真係賴左，真係覺得好唔好意思，係自己床尿左就冇所謂，係人地度尿左就真係⋯唉。

 

係船度一路都相安冇事，一到澳門度開海域，就非常大霧，大霧到咩都睇唔到，係邊個位都唔知，我開始好擔心，唔知幾耐先到，唔知會唔會撞船事故發生，我又唔識游泳，小孩又唔識，真係好驚，好在半個鐘頭後，終於可以落船啦！放下心頭大石。

返到澳門固然之開心啦，可以訓返自己張床係最舒服既，自己家係最好既，心情開朗開心啊！