學校旅行日～我的忙碌日

今日係妹豬細佬聖心旅行日，

妹豬今日去盧廉若公園，

細佬去鴨涌河公園，

我一路都諗住唔去細佬個度，

因為怕細佬見到我地會好嗲，

一到左要走，上車返番學校，

會唔肯上車，喊住要跟住爸爸，

所以唔諗住唔去佢個度，

剩係去家姐個度，

最後我地都決定分開去，

爸爸去細佬度，

我去家姐度，

因為細佬喊住話要同爸爸去旅行。

結果都唔忍心唔去佢個度。

後來要上車返回學校，

細佬都冇扭計，

乖乖的跟上車，

仲同爸爸揮手拜拜，

今次好叻仔。

我就去家姐個度，

首先我好早就去到，

等左佢地半個鐘頭有多，

終於等到佢地到左，

開始集體影相，

老師帶領行走一個圈，

之後就自由活動，

我要帶領三個小朋友，包括自己個囡，

三個都還可以，

但之後我同另外一家長合併兼走散左一個之後，

個個家長為了揾返另外一個，

我就要暫時照顧五個，

帶五個原來都幾有難度，

幾辛苦，

壓力都幾大架，

最後都總算平安，沒事發生，

再一次証明我係唔可以做老師架，

因為壓力太大啦，

我承受唔到同做唔黎。哈哈。

我係緊張大師黎架。

順利帶完五個小朋友，

輕鬆曬。