暑假旅行第一彈~橫琴長隆兩日一夜遊

小朋友係咪真係好鐘意係外面住架呢?

一話去長隆旅行,答唔去,

一話去酒店,就話去,

仲要係好開心,

佢地覺得酒店舒服喎.

舒服過屋企喎，

唔知點解呢？

可能裝修靚，空間寬敞卦。

第一日我地先去酒店裏面既水上樂園玩，

呢個水上樂園唔係真係好水上樂園，

得個淺水泳池，深水泳池，

有個小小的兒童玩水樂園，

呢個小小玩水樂園，

都不太啱妹豬細佬玩。

之後出去泳池玩，

玩左一陣，

妹豬就已經扭眼訓，

係池邊抱住訓，

細佬就繼續玩水，

玩到就快五點，輪到細佬累啦，

妹豬就訓夠，細佬就訓著。

返左酒店房hea一陣，

就落去食飯，

飲野hea一陣，

酒店內比較靜，

酒吧冇現場live band，

冇咩氣氛，番禺個邊好似好啲。

第二日，我地去海洋王國，

天氣熱到爆，

又人多，

所以都冇玩到咩同睇到啲咩，

行下玩下旋轉木馬，個度唔係叫旋轉木馬，

係旋轉魚，

又坐下，影下相，

睇巡遊，冇啦，返酒店攞行你走人，

好累好熱啊！