竹灣海灘玩沙沙同泳池玩水

星期六(6月28日),天氣非常好,去沙灘玩一流.

我未去過竹灣海灘,都係第一次去,去到一看,有~藍天與白雲~既,

但就係個沙灘好細同好污嘈,啲水汚泥色,仲有啲食面袋,酒樽,同一啲漂浮的植物,

垃圾都幾多呢~

落水就覺得很不衛生啦,玩沙都還可以既,

我地係香港住的時候,都有去過香港的沙灘,

除了和澳門一樣擁有同一片美麗的天空~藍天與白雲~之外,

竹灣海灘唔夠香港的靚,唔夠香港的大,

唔夠香港的乾淨,沙都感覺乾淨好多啦,

如果要比分,香港有100分的話,澳門只得50分,

呢個50分係好過一個海灘都冇咁羅.

不過呢啲都係大人的感觀世界,小朋友係唔會介意乾淨污嘈與否,

佢地都可以照玩.

仲要係覺得好好玩,好開心,

小朋友世界真是簡單,

易滿足.

當然啦,我地第一次去,更係唔知個度有個靚泳池啦,

見竹灣海灘衛生程度覺得不能落水,

而且見有個泳池,當然要黎過下水禮啦,

竹灣個泳池唔錯喎,

有個兒童池,個池有夠大,

側邊又有啲枱枱櫈櫈，好有渡假feel。

家姐一落水就玩啦，細佬仲要啲時間warm up,

唔肯落水呀，淨係坐係張櫈度望住家姐玩，

Warm up 左個幾鐘，終於肯落水玩啦，

不過仍然要捉住你隻手黎玩，

唔肯放手，

要過多一陣，先可以完全放手玩。😎

你睇下家姐幾嘆，幾識享受，

訓係池邊，幾舒服啊！

玩完水啦，沖涼去食野lu.

呢間餐廳不錯啊!

味道一流,要杯橙汁都與別不同架,

平時去其他餐廳,要杯橙汁,

佢只會比杯鮮橙汁你,

但係陸舟餐廳就唔同,

杯橙汁會加埋梳打水係入面,

唔係剩係得橙汁,

很好,很特別,很好喝.

係呢間餐廳食野,好有外國FEEL,

好似去左峇里咁,

好悠閒,好有渡假FEEL.