呢盒積存左好耐,都冇拿出來砌,
有時係個人太HEA,個心放唔到落去,
有時係太冇時間,放唔到時間落去,
砌呢啲屋,需要的是時間,精神,空間.................
缺少一樣都唔得,
而我缺少的都係呢三樣.
我覺得做既過程好需要耐性同空間,切記心急,唔好成日諗住想快啲完成,你要諗住要的是美,而唔係完成,一件作品"美"係好重要.而空間,因為我照顧小朋友,佢地會經常地在你身邊出現,所以你冇法專心.只好待他們自己玩樂時,偷偷的貼一兩件,其實咁樣係出唔到好效果,反而會貼錯或貼得唔好,最好的是他們訓曬覺,自己靜靜的,就是最好.
砌既過程:
貼牆紙都好講究架,如果依照盒內比既,有時真的會唔夠用,唔可以貼得好勻,咁就唔靚,同埋有時貼到起孔,唔平,所以膠水要搽得勻一點,貼上後用咭刮一下,咁會平坦一點,貼得緊一點.
燈線可以從牆身處開細小孔拉出去,咁會美觀一點.同埋紙燈可以再對觀一點,貼得不好,同貼前試位,正面給人看要美觀的一面.我弄得正面不夠美觀.
這個要用工具,上螺絲,這個部份唔係好果難.
開始整相架,窗框.
今次涂了一點光油上去,可以遮走膠水漬.
其實整呢,空間,時間,精神,要好多先可以整得美觀.慢工出細貨.
屋企的枱較小,放不下好多野.所以有時覺得間屋再大,都冇法放到一點兒我的東西,因為我家小孩的東西實在太多,多到成間屋都只是他們的東西.
床,今次我用紙巾做床褥,因為我發覺以前就咁整,加棉花唔均勻,而家加埋紙巾落去,均勻一點,平坦一點.下庁何以加多一塊,加高一點.
梳化,我覺得自已高力還未夠,布匹貼得唔好,個枕唔夠靚,我睇過人地整SOFA的影片,知道了一啲技巧,下次可以試下,再做好一點.
所有配件陸續完成.仲有一樣野,就係砌埋板的時候,要細心觀察看清楚那一道牆跟那一道牆,起初因為我冇搞清楚,結果拆了又再砌,砌了又再拆,浪費時間之餘又拆黎拆去,板會被拆到唔靚,
完成品
遠看會覺得好靚,實物都覺得好靚,但其實看真啲,或者影左相,係會見到好多唔靚位,要再加油,多啲砌,建位技巧,就會越來越好,同靚.
沒有留言:
發佈留言