放低小孩大步走之東京初體驗4 - 回港

12月24日平安夜
返香港啦,好唔捨得你呀............東京.

好唔盡興,我感覺都未行完同睇完,就要走啦.
冇得盡情SHOPPING係好唔開心同帶點遺憾咁返香港.

中午食燒烤自助餐,加錢叫左碟牛,都OK好味.

跟住行左一陣機場隔離的OUTLETS,都好多舖頭,做更折TIM.唔買野好似好浪費咁,但又冇彈藥,算啦.冇得SHOPPING係有少少遺憾.

希望有機會再去多次啦,一家大細或同朋友一齊去SHOPPING團就好啦.

日本人位於地震帶,所以佢地會覺得災難唔知幾時會有,因此佢地會活在當下,好好享受,懂得享受,佢地唔會就住啲錢黎洗,會盡情去買野,消費,玩,所以無論廸士尼或商場,你會見到佢地一袋二袋咁買,呢個係日本人識享受既特性,呢個我都好欣賞.

商店等收入來源我相信絶大部份都會來自佢地自己人,而唔係遊客.

六點多上機啦,但係機上都等左好耐,七點多先起飛,返到香港機場都10點半多啦,再返馬鞍山己經12點半多啦,好累呀.............小B訓曬啦,其他人都訓曬啦,我地都澡涼即刻訓啦.